DP Damascus Nakiri Usuba hnífur – 165mm F330

DP Damascus Nakiri Usuba hnífur – 165mm F330

Um Nakiri hnífa:
Nakiri lagið á hnífum eru hefðbundnir japanskir grænmetishnífar. Hnífarnir eru gjarnan ferkantaðir í laginu og brýnda brún blaðsins flöt og bein. Þetta gerir hnífinn tilvalinn í að skera og sneiða grænmeti. Blaðið er gjarnan þynnra en á öðrum japönskum hnífum, t.d. Deba hnífum. Þunna blaðið þykir henta vel í sneiðingar á mjúkri fæðu en leggjast illa á bein. Til þess eru einmitt Deba hnífar. Þó Nakiri sé hugsaður í grænmeti hentar hann einnig prýðilega til sneiðingar á úrbeinuðu kjöti, t.d lamba-fillé eða slíku.

Blað og handfang:
Blaðið er 165 mm langt úr 37 laga Damascus VG-10 stáli sem er vel ryðvarið og fullkomið fyrir bæði áhugafólk og lengra komna í eldhúsið. Lögin eru á víxl kolefnisrík og snauð. Kolefnisrík miðjulögin halda brýningu betur og eru mýkri, og kolefnissnauðari ytri lögin veita góða vörn gegn tæringu og hnjaski.
Handfangið er úr viðarklæddu stállagi, en stálið í blaðinu gengur alla leið aftast í handfangið.

Viðhald:
Gæða hnífa á aldrei að setja í uppþvottavél. Heitt vatn á að duga og sápa ef þörf er á. Best að nota mjúkan svamp.
Gott er að brýna hnífinn reglulega, þó aldrei minna en einu sinni á ári. Hægt er að nota hefðbundinn borðbrýni, t.d. keramík brýninn frá Tojiro (F-641). Best er þó að brýna á blautum brýningasteini, eða láta fagfólk um brýninguna.
Best er að geyma hnífinn þar sem blaðið er verndað, t.d. á hnífasegli á vegg. Þegar gengið er frá blautum hníf er lang best að strjúka yfir hann með þurrum klút eða pappír til að ná mestri bleytu af honum. Það eykur endingu blaðsins og handfangsins.