Tojiro Nakiri hnífur (svartur)– 169mm FD1598

Tojiro Nakiri hnífur (svartur)– 169mm FD1598. Blöð Nakiri hnífa eru flöt og þunn og henta því vel til sneiðingar á grænmeti og úrbeinuðu kjöti, t.d. íslensku lamba-fillé. Blaðið er úr þriggja laga stáli, sem er oxað til að fanga svarta litinn og auka vörn gegn tæringu. Handfangið er mótað í D-laga grip og er úr brenndum kastaníaviði.

Um Nakiri hnífa:

Nakiri lagið á hnífum eru hefðbundnir japanskir grænmetishnífar. Hnífarnir eru gjarnan ferkantaðir í laginu og brýnda brún blaðsins flöt og bein. Þetta gerir hnífinn tilvalinn í að skera og sneiða grænmeti. Blaðið er gjarnan þynnra en á öðrum japönskum hnífum, t.d. Deba hnífum. Þunna blaðið þykir henta vel í sneiðingar á mjúkri fæðu en leggjast illa á bein. Til þess eru einmitt Deba hnífar. Þó Nakiri sé hugsaður í grænmeti hentar hann einnig prýðilega til sneiðingar á úrbeinuðu kjöti, t.d lamba-fillé eða slíku.

Blað og handfang:

Blaðið er 165 mm langt úr 37 laga Damascus VG-10 stáli sem er vel ryðvarið og fullkomið fyrir bæði áhugafólk og lengra komna í eldhúsið. Lögin eru á víxl kolefnisrík og snauð. Kolefnisrík miðjulögin halda brýningu betur, og kolefnissnauðari ytri lögin veita góða vörn gegn tæringu og hnjaski.
Blaðið er svo oxað sem gefur því einkennandi svarta litinn. Oxunin er ekki bara falleg, heldur eykur það ryðvörn blaðsins án þess að það komi niður á biteiginleikum þess.
Handfangið er úr brenndum kastaníaviði og kraginn úr plastefni.

Viðhald:

Gæða hnífa á aldrei að setja í uppþvottavél. Heitt vatn á að duga og sápa ef þörf er á. Best að nota mjúkan svamp.
Gott er að brýna hnífinn reglulega, þó aldrei minna en einu sinni á ári. Hægt er að nota hefðbundinn borðbrýni, t.d. keramík brýninn frá Tojiro (F-641). Best er þó að brýna á blautum brýningasteini, eða láta fagfólk um brýninguna.
Best er að geyma hnífinn þar sem blaðið er verndað. T.d. á hnífasegli á vegg. Þegar gengið er frá blautum hníf er lang best að strjúka yfir hann með þurrum klút eða pappír til að ná mestri bleytu af honum. Ef blautur hnífur fer upp á vegghengdan hnífasegul er gott að tryggja að vatn leki ekki ofan í viðar handfangið. Það eykur endingu blaðsins og handfangsins.