„Santoku“ hnífur – 165 mm – Viðarhandfang FD 567

„Santoku“ hnífur – 165 mm – Viðarhandfang FD 567. Santoku hnífar eru alhliða vinnuhnífar og svar Japana við evrópska kokkahnífnum. Blaðið er úr þriggja laga stáli, sem er oxað til að fanga svarta litinn og auka vörn gegn tæringu.

Handfangið er mótað í D-laga grip og er úr magnólíuviði.

Um Santoku hnífa:

Orðið Santoku er samsett orð í japönsku og þýðir „hinar þrjár dyggðir.“ Er þar vísað til þess að Santoku hnífarnir eru gjarnan notaðir í grænmeti, fisk og kjöt. Hnífurinn er þannig svar japanskra hnífameistara við evrópska kokkahnífnum. Egg blaðsins er heldur beint, en bakkinn bogadregnari eftir því sem blaðið fjarlægist handfanginu. Bakkinn mætir svo blaðinu í um 60° horni, sem er talsvert gleiðara horn en á Gyuto hnífum eða evrópsku kokkahnífunum.
Santoku hnífana má nota í hvaða verkefni sem er í eldhúsinu. Samkvæmt hefð eru Santoku hnífar yfirleitt aldrei lengri en 200 mm, en kjörlengd er um 160-170 mm.

Blað og handfang:

Blaðið er 165 mm langt úr þremur lögum af stáli. Innst er bitlagið úr VG10 stáli sem heldur biti lengi og vel. Bitlagið er svo klædd með sitthvoru laginu af 13-Chrome stáli sem stenst álag af mikilli notkun og er vel ryðvarið. Þriggja laga stál hnífar henta áhugafólki einkar vel í eldhúsið.
Handfangið er úr magnólíuviði með kraga úr plastefni. Handfanginu er hægt að skipta út.

Viðhald:

Gæða hnífa á aldrei að setja í uppþvottavél. Heitt vatn á að duga og sápa ef þörf er á. Best að nota mjúkan svamp.
Gott er að brýna hnífinn reglulega, þó aldrei minna en einu sinni á ári. Hægt er að nota hefðbundinn borðbrýni, t.d. keramík brýninn frá Tojiro (F-641). Best er þó að brýna á blautum brýningasteini, eða láta fagfólk um brýninguna.
Best er að geyma hnífinn þar sem blaðið er verndað. T.d. á hnífasegli á vegg. Þegar gengið er frá blautum hníf er lang best að strjúka yfir hann með þurrum klút eða pappír til að ná mestri bleytu af honum. Ef blautur hnífur fer upp á vegghengdan hnífasegul er gott að tryggja að vatn leki ekki ofan í viðar handfangið. Það eykur endingu blaðsins og handfangsins.

Sjá má fleiri Tojiro hnífa hjá Seimei hér